Сучаснае купалазнаўства на старонках “Роднага слова” і не толькі

Архіўныя адкрыцці аўтараў “Роднага слова”, якія сталі гучнай падзеяй сучаснага купалазнаўства, знайшлі працяг у Дзень горада, што традыцыйна адзначаецца беларускай сталіцай на пачатку верасня.

Так, адзін з малавядомым фотаздымкаў сям’і Янкі Купалы, надрукаваны ў ліпеньскім нумары часопіса, з’явіўся на святочных білбордах Дзяржаўнага літаратурнага музея Янкі Купалы. Яны знаёмілі мінчан і гасцей горада са старонкамі жыцця і творчасці народнага паэта Беларусі, звязанымі з Мінскам.