“Беларускі гістарычны часопіс” прыняў удзел у ХХХ Дні беларускага пісьменства.

2–3 верасня 2023 г. у Гарадку Віцебскай вобласці адбыўся юбілейны ХХХ Дзень беларускага пісьменства.

Літаратурны брэнд горада — паэма «Тарас на Парнасе», найбольш імаверны аўтар якой – Канстанцін Вераніцын – нарадзіўся 1 (13) чэрвеня 1834 г. у вёсцы Астраўляны Віцебскага павета Віцебскай губерні (цяпер Гарадоцкі раён Віцебскай вобласці).

Па запрашэнні Аргкамітэта да ўдзелу ў свяце быў запрошаны галоўны рэдактар часопісаў “Беларускі гістарычны часопіс” і “Гісторыя і грамадазнаўства” Аляксандр Аляксандравіч Корзюк.

 Пад час мерапрыемства на пляцоўках РУП “Выдавецтва “Адукацыя і выхаванне” адбылася прэзентацыя навукова-метадычных часопісаў па гісторыі, а таксама “Настольнай кнігі настаўніка гісторыі”. 

Адбылася рабочая сустрэча з дырэктарам Гарадоцкага раённага гісторыка-краязнаўчага музея Крысцінай Аляксандраўнай Жоравай, пад час якой была дасягнута дамоўленасць аб публікацыях супрацоўнікаў музея на старонках часопіса.